ÞJÓÐFRÆÐI
Þjóðfræðin rannsakar hversdagsmenningu, lífshætti og lífssýn á okkar dögum og áður fyrr. Þjóðfræði heyrir í senn til hug- og félagsvísinda, enda fjalla þjóðfræðingar jöfnum höndum um aðstæður fólks og samfélag á hverjum tíma og svo tjáningu þess, listfengi og fagurfræði hversdagsins. Á meðal viðfangsefna þjóðfræðinnar eru sögur og sagnir, heimilis- og atvinnuhættir, trú og tónlist, siðir og venjur, hátíðir og leikir, klæðnaður og matarhættir, svo fátt eitt sé nefnt. Áhersla er lögð á hvernig fólk mótar líf sitt og umhverfi undir kringumstæðum sem það hefur ekki mótað sjálft og hvernig fólk lifir í samfélagi hvert við annað í þeim margvíslegu hópum sem það tilheyrir.
Æskilegur undirbúningur samkvæmt aðalnámsskrá framhaldsskóla 2011:
3. hæfniþrep í íslensku
3. hæfniþrep í ensku
2. hæfniþrep í samfélagsgreinum
2. hæfniþrep í dönsku eða öðru Norðurlandamáli
2. hæfniþrep í stærðfræði, sérstaklega talningu, tölfræði og líkindareikningi
Hægt að læra við Háskóla Íslands.
3 ár til BA-prófs.