ÍÞRÓTTA- OG HEILSUFRÆÐI
Hefur þú áhuga á íþróttum, góðri heilsu, útiveru og vilt starfa á þeim vettvangi? Þá er nám í íþrótta- og heilsufræði eitthvað fyrir þig. Í náminu er lögð áhersla á að auka þekkingu þína á íþróttaiðkun, heilsu, vexti, þroska og lífsstíl fólks á öllum aldri. Brautskráðir nemendur starfa á fjölbreyttum vettvangi en flestir starfa sem íþróttakennarar eða þjálfarar.
Allir sem sækja um nám í íþróttafræði við Háskólann í Reykjavík eru boðaðir og skráðir í inntökupróf. Prófið er haldið í byrjun júní og samanstendur af sundi, boltagreinum, styrkæfingum, fimiæfingum, þolprófi og viðtali.
Æskilegur undirbúningur fyrir nám við HÍ:
3. hæfniþrep í stærðfræði
3. hæfniþrep í ensku
Æskilegt er að hafa lokið a.m.k.:
5 fein. á 2. hæfniþrepi í líffræði, eðlisfræði, efnafræði eða annarri náttúrufræðigrein.
6 fein. á 1. – 2. hæfniþrepi í íþróttum, líkamsrækt eða sundi.
Hægt að læra við Háskóla Íslands og Háskólann í Reykjavík.
3 ár til BS-prófs.
Skoða nánar: https://www.hi.is/ithrotta_og_heilsufraedi og https://www.ru.is/namid/namsyfirlit/ithrottafraedi